هو قدرة الانسان على فهم مشاعره وانفعالاته ومشاعر وانفعالات الاخرين مما يحقق أكبر قدر من السعادة النفسية له؟
الذكاء العاطفي ببساطة يعني :
" قدرة الشخص انه يفهم شعوره وانفعالاته ويطوعها ويديرها ويستجيب ليها استجابة صحيحة "
أنت من الناس اللي الذكاء المنطقي وال IQ عندك عالي جدا لكن مش قادر تاخد فرصتك زي حد ممكن يكون أقل منك لكن الذكاء العاطفي عنده أعلي ..!
بتحصل مش كده ؟
علشان كده من المهم جدا انك تعرف الحاجات دي :
1- اعرف نفسك " ماتخليش نفسك تحت رحمة عواطفك "
أو بمعني أصح ماتخليهاش هي تتحكم فيك من غير ماتفهمها ..
أنت عندم مشكلة في شغلك ورجعت لقيت ابنك بيعيط علي سبب تافه ..
هتنفجر فيه وتضربه وأنت مضغوط وبتترجم غضبك لانفعالات عليه
ولا لما تيجي تعمل كده هتفكر ..وهو ذنبه ايه ؟ وتشوف حل تاني غير انك تضربه وتتعصب عليه !
2-التحكم بعاطفتك
" أصل التحكم في عاطفتك هو التحكم بانفعالاتك "
ودي المرحلة التانية بعد ما فهمت حقيقة مشاعرك وأنت غضبان من شغلك ولا ابنك
هتاخد انفعالاتك وتتصرف علي اساسها وهتقدر تتحكم في غضبك وقتها ..
وكذلك التحكم في القلق وانك تتجاهل الأفكار السلبية وتاخد موقف عقلاني من اللي بتفكر فيه
3- التخلص من الاكتئاب
"راقب شعورك وأفكارك لأنها المتحكم في شعورك ومزاجك وقراراتك "
ممكن تبقي واخد صورة سلبية عن نفسك مش موجودة
(أنا فاشل- أنا غبي -أنا طخين-... )
سواء انك تغير محيط الناس اللي بتتعامل معاهم وبيوصلولك الصورة دي أو محتاج طبيب تلجأ إليه لو الموضوع بيعيق حياتك فعلا
وتبص لمميزات نفسك الحقيقية
4-القدرة علي التفكير الايجابي
-بيقدرو يحفزو نفسهم
-عندهم مرونة
-بيقسمو المهام الصعبة لأجزاء
-بيرجعو اسباب فشلهم لاسباب حقيقية ممكن تتغير
5-إصدار الأحكام :
"عدم التسرع في الحكم علي الناس والنظر بصورة أقرب للشخص "
في أبعاد دايما للموضوع غير الحكم من أول نظرة أو أول تعامل.
6- عدوي الانفعالات :
الشخص الذكي اجتماعيا بيقدر ينشر المشاعر الايجابية ويوصلها للناس ويعديهم بيها
وده بنلاحظه في حد بيؤثر في الناس جماهيريا وبيحركهم .
7- لا تخفي مشاعرك عند حدوث مشكلة
لما تزعل من حد ماتستناش لما تنفجر لازم توصله مشاعرك بصورة تحسن في علاقتكم
قبل ما الموضوع يتطور ويوصل لهجوم ورد الهجوم يبقي بهجوم وتبقي حرب !
لو قدرت تركز علي الحاجات دي في تعاملاتك هتقدر تعمل تصالح بين عقلك ومشاعرك ويبقي عندك ذكاء عاطفي عالي.
حل السؤال هو:
هو قدرة الانسان على فهم مشاعره وانفعالاته ومشاعر وانفعالات الاخرين مما يحقق أكبر قدر من السعادة النفسية له
(2 نقطة)
الذكاء العاطفي،
الصحة النفسية
إجابتك الصحيحة هي:
الذكاء العاطفي